Жұмысқа қабылдау тәртібі

Біздің Кәсіпорында жұмыс істеудің артықшылықтары

«ТҚ» РМК-дағы мансап – ұлттық қауіпсіздікті қамтамасыз ету жүйесін дамытудың ұзақ мерзімді және перспективалық бағыттарының бірі – ақпараттық қауіпсіздік саласында өзіңді көрсету мүмкіндігі.

Цифрлық және телекоммуникациялық технологиялардың дамуына байланысты ақпараттандыру және ақпараттық қауіпсіздікті қамтамасыз ету саласының өзектілігі үнемі артып келеді.

«МТҚ» РМК бұл салада 10 жылдан астам табысты қызмет етіп келеді. Кәсіпорын Қазақстан Республикасының ақпараттық кеңістігі мен байланыс инфрақұрылымының қауіпсіздігін қалыптастыруды, дамыту мен қамтамасыз етуді ұйымдастыруда өзінің лайықты орнын иеленді.

Егер Сіз білімді, жауапты, талапты болсаңыз, өз мамандығыңызды жақсы көрсеңіз, батыл талпыныс жасаңыз, біздің бос орындарды қадағалап, резюмелеріңізді жолдаңыз.

Сізді:

Қызықты әрі жауапты жұмыс
Біздің барлық жұмыскерлердің маңызды мәселелер бойынша шешім қабылдауға, өзінің нәтижелеріне оң ықпал етуге және ортақ табысқа өз үлесін қосуға мүмкіндігі бар.

Кәсіби ұжымдағы қызмет
Кәсіпорында Сізді біздің командаға бейімделуге жәрдемдесетін және кәсіпорынның саясаты мен стандарттарына сәйкес жұмыс істеуге үйрететін тәжірибелі тәлімгер жұмыскерлер қарсы алады. Кәсіпорын өз жұмыскерлеріне жақсы әлеуметтік қолдау көрсетеді.

Карьера бойынша жоғарылау
Кәсіпорында Сіз мансаптық сатымен көтеріле аласыз. Ең бастысы, жоғары нәтижелер көрсету және алға жылжуға ниет білдіру қажет.

Әсем ғимарат
Біздің кеңсеміз Астананың танымал көрікті жерлеріне жататын ЭКСПО-2017 мұрасы нысандарының жанында орналасқан. Сізді терезелерінен көрменің басты символы - «Нұр әлем» сферасы көрініп тұратын жарық та кең бөлмелер күтеді.

Корпоративтік мерекелер
Біздің кәсіпорынның жұмыскерлері нәтижелі қызмет етіп қана қоймай, тамаша демалуды да біледі.

Дене шынықтырумен және спортпен айналысу күтеді
Кәсіпорында арнайы жаттығу құрылғыларымен жабдықталған, аумағы 270 кв.метрді құрайтын фитнес-зал бар, өзін-өзі қорғау бойынша спорт секциясы жұмыс істейді, хатха-йога жаттығуларымен шұғылдану сабақтары өткізіледі, жұмыскерлер бос уақыттарында үстел теннисін ойнай алады.

Кәсіпорын жұмыскерлері ақпараттық қауіпсіздік саласындағы IT-ұйымдар арасында түрлі спорт түрлерінен өтетін жарыстарға белсенді қатысып отырады. Кәсіпорынның Қазақстанның футбол әуесқойлары лигасының біріншілігіне қатысатын өз футбол командасы бар. Жыл сайын қызметкерлер мен олардың отбасыларының қатысуымен велосипед жарысы өткізіліп тұрады.