Үлкен көлемді ақпаратты өңдеу қажеттілігі бағдарламалық қамтылымды, серверілік және телекоммуникациялық жабдықтардың техникалық мүмкіндіктерін жетілдіруге әкелді. Замануаи ақпараттық жүйелер деректердің үлкен көлемін сақтауға және өңдеуге мүмкіндік береді және үлкен есептеу ресурстарын талап етеді.
Мобильді қосымшалардың әрбір төртіншісі ғана корпоративтік қауіпсіздік талаптарын қанағаттандырады – дейді сарапшылар. Олардың айтуынша, ұялы технологиялардың таралу қарқынына орай кәсіпорындар міндетті түрде қосымшаларды тестілеу тетіктерін енгізгені және тәуекелден сақтандырылғаны абзал.
Мобильді қосымшалардың 75%-нан астамы корпоративтік қауіпсіздіктің базалық талаптарын қанағаттандырмайтынын Gartner зерттеу компаниясы хабарлады. Сарапшылар мұндай ахуал кемінде 2015 жылдың соңына дейін сақталатынын ескертті.
Кілтсөз ұрлығы – корпоративтік деректер қауіпсіздігінің басты тәуекелі. Бұл туралы ESET антивирустық компаниясының сарапшылары ескертеді.
10 маусымда Алматыда «Касперский зертханасы» өкілдері республика аумағында белсенді «жауыздар» туралы айтты. Бүгінгі таңда онлайн-банкинг жүйелеріне және пайдаланушылардың (жеке тұлғалардың да, заңды тұлғалардың да) қаржысын ұрлауға бағытталған түрлі қатерлер үлкен қауіп туындатып отыр. Бұл қатерлер әлемдік ауқымда және Қазақстанда өрістеп келеді. Мұнда ағымдағы жыл басынан бастап банк жүйелеріне бағытталған бірнеше шабуылдар тіркелген.
«Касперский зертханасы» ғаламдық зерттеулердің қорытындысын ұсынып, әлемдік трендтермен қатар Қазақстандағы бизнестің қазіргі қатерлері жайлы баяндады. «Бизнестің ақпараттық қауіпсіздігі» атты зерттеуі 2013 жылы B2B International компаниясымен біріге жүргізілген. Сауалнамаға Қазақстанды қоса алғанда 24 мемлекеттің 2895 IT-маманы қатысты.
Copyright © 2020, "МЕМЛЕКЕТТІК ТЕХНИКАЛЫҚ ҚЫЗМЕТ" РМК
